كوم القش اللى إنت بنيته
وإنت قبلت يكون لك بيت
مش راح ينفع حيط للصّد
لو راح ترغى الرّيح حواليه
مش حتلاقى إلافراغ
يتشعبط فيك
ولو حتنادى إنت عليك
مش حتلاقى حد يرد
عض إديك
اللى معرفت تكتب ليّا
سطرين حب
أشبكهم على شجر الليل
همس تهسهس فيه فوانيس
تتبدد كل الكوابيس
إيه الحل؟
النّاس واقفه عمّال تصرخ
إيه الحل؟
دا بإيدك خطفوا الضّليله
وبقينا زحمة عكاكيز
نتسنّد بينا على بعض
عايز تانى إيه منّينا
بدّوّس رجلينا علينا
ومش ف إدينا
إلا اليأس يطوّح فينا
وغُربه ترج القلب يرفرف
وكإنه مسكاه سكينه
وجوّه عنينا
صوره قديمه
لقطه اتكتبت يوم العرض
لمنصّه..
شافت بعنيها
أعلى م فيها
إتْرمى ع الأرض.
ليست هناك تعليقات:
إرسال تعليق